ކަންޓްރީ-ބައި-ކަންޓްރީ (ސީ.ބީ.ސީ) ރިޕޯޓަކީ ދިވެހިރާއްޖޭގައި ވަޒަންވެރިވެފައިވާ މަލްޓިނެޝަނަލް އެންޓިޓީ (އެމް.އެން.އީ)ތަކުން އެ އެންޓިޓީއެއް ނިސްބަތްވާ ގްރޫޕުގެ ވިޔަފާރި މުޢާމަލާތްތަކާއި ހިންގުމާގުޅޭ މަޢުލޫމާތު ހިމަނައިގެން މޯލްޑިވްސް އިންލަންޑް ރެވެނިއު އޮތޯރިޓީއަށް (މީރާ) ކޮންމެ އަހަރަކު ތައްޔާރުކޮށް ހުށަހަޅަންޖެހޭ ރިޕޯޓެކެވެ. މި ރިޕޯޓުތަށް ތައްޔާރުކޮށް މީރާއަށް ހުށަހެޅުމުގައި އަމަލުކުރަންޖެހޭ އުސޫލުތަކާއި ހަމަތައް ކަންޓްރީ-ބައި-ކަންޓްރީ ރިޕޯޓިންގ ގަވާއިދުގައި ބަޔާންކޮއްފައިވާނެއެވެ.
ސީ.ބީ.ސީ ރިޕޯޓު ހުށަހަޅަންޖެހޭނީ، އެމް.އެން.އީ ގުރޫޕުގެ ރިޕޯޓުކުރާ އަހަރުގެ ކުރީ އަހަރުގެ ކޮންސޮލިޑޭޓްކޮށްފައިވާ މާލީ ހިސާބުތަކަށް ބަލާއިރު، ކޮންސޮލިޑޭޓެޑް ގްރޫޕު ރެވެނިއު -/750،000،000 (ހަތް ސަތޭކަ ފަންސާސް މިލިއަން) ޔޫރޯއަށްވުރެ މަތީ ގުރޫޕުތަކުގެ އަލްޓިމޭޓް ޕޭރެންޓް އެންޓިޓީތަކުންނެވެ. އެމް.އެން.އީ ގުރޫޕުގެ ރިޕޯޓުކުރާ ފިސްކަލް އަހަރު ނިމިގެން 12 މަސްދުވަސް ހަމަވުމުގެ ކުރިން. ސީ.ބީ.ސީ ރިޕޯޓު މީރާއަށް ހުށަހަޅަންވާނެއެވެ.
އެމް.އެން.އީ ގުރޫޕުގެ ކޮންސްޓިޓުއެންޓް އެންޓިޓީތަކުން، އަލްޓިމޭޓް ޕޭރެންޓް އެންޓިޓީގެ ބަދަލުގައި، އެ ކޮންސްޓިޓުއެންޓް އެންޓިޓީ ވަޒަންވެރިވެފައިވާ ޖުރިސްޑިކްޝަންގައި އެމް.އެން.އީ ގުރޫޕުގެ ފަރާތުން ސީ.ބީ.ސީ ރިޕޯޓު ހުށަހެޅުމަށް، ސަރޮގެޓް ޕޭރެންޓް އެންޓިޓީއެއް ކަނޑައެޅިދާނެއެވެ.
އެމް.އެން.އީ ގުރޫޕެއްގެ އަލްޓިމޭޓް ޕޭރެންޓް އެންޓިޓީއެއް ކަމުގައިނުވާ ކޮންމެ ކޮންސްޓިޓުއެންޓް އެންޓިޓީއަކުން، އަންނަނިވި ޝަރުޠުތައް ފުރިހަމަވާ ކަމުގައިވާނަމަ، އެ ފަރާތް ނިސްބަތްވާ އެމް.އެން.އީ ގުރޫޕުގެ ރިޕޯޓުކުރާ ފިސްކަލް އަހަރާގުޅޭ ކަންޓްރީ-ބައި-ކަންޓްރީ ރިޕޯޓު މީރާއަށް ހުށަހަޅަންވާނެއެވެ.
(1) އެ އެންޓިޓީއަކީ ދިވެހިރާއްޖޭގައި ޓެކްސްގެ ބޭނުމަށް ވަޒަންވެރިވެފައިވާ އެންޓިޓީއެއް ކަމުގައިވުން؛ އަދި
(2) އަންނަނިވި ޝަރުތުތަކުން 1 ޝަރުތު ފުރިހަމަވެފައިވުން:
ސީ.ބީ.ސީ ރިޕޯޓު ހުށަހަޅަންޖެހޭ ކޮންސްޓިޓުއެންޓް އެންޓިޓީގެ އަދަދު 1 ކޮންސްޓިޓުއެންޓް އެންޓިޓީއަށްވުރެ ގިނަވެއްޖެނަމަ، 1 ފަރާތެއް ކަނޑައަޅާ އެއީ ކޮން ކޮންސްޓިޓުއެންޓް އެންޓިޓީއެއްކަން އަންގާ މީރާއަށް އީމެއިލް ކުރަންވާނެއެވެ. އީމެއިލް ކުރާނީ މީރާގެ އިންޓަނޭޝަނަލް ރިލޭޝަންސް އެންޑް ކޯޕަރޭޝަން ޑިޕަރޓްމަންޓުގެ އީމެއިލް ([email protected]) އަށެވެ.
ދިވެހިރާއްޖޭގައި ވަޒަންވެރިވެފައިވާ، އެމް.އެން.އީއެއްގެ، ކޮންމެ ކޮންސްޓިޓުއެންޓް އެންޓިޓީއަކުން، އެ އެންޓިޓީއަކީ އަލްޓިމޭޓް ޕޭރެންޓް އެންޓިޓީ ކަމުގައިވާނަމަ ނުވަތަ ސަރޮގެޓް ޕޭރެންޓް އެންޓިޓީ ކަމުގައިވާނަމަ އެކަން، އެ އެމް.އެން.އީ ގުރޫޕުގެ ރިޕޯޓުކުރާ ފިސްކަލް އަހަރުގެ ފަހު ދުވަހުގެ ނިޔަލަށް، މީރާއަށް އަންގަންވާނެއެވެ. ދިވެހިރާއްޖޭގައި ވަޒަންވެރިވެފައިވާ ކޮންސްޓިޓުއެންޓް އެންޓިޓީއަކީ އަލްޓިމޭޓް ޕޭރެންޓް އެންޓިޓީ ކަމުގައި ނުވާނަމަ އަދި ސަރޮގެޓް ޕޭރެންޓް އެންޓިޓީއެއް ކަމުގައިވެސް ނުވާނަމަ، ރިޕޯޓުކުރާ އެންޓިޓީއަކީ ކޮން ފަރާތެއްކަމާއި، ރިޕޯޓުކުރާ އެންޓިޓީ ވަޒަންވެރިވެފައިވަނީ ކޮން ޖުރިސްޑިކްޝަނެއްގައިކަން، އެ އެމް.އެން.އީ ގުރޫޕުގެ ރިޕޯޓުކުރާ ފިސްކަލް އަހަރުގެ އެންމެ ފަހު ދުވަހުގެ ނިޔަލަށް، އެ ކޮންސްޓިޓުއެންޓް އެންޓިޓީން މީރާއަށް އަންގަންވާނެއެވެ.
މީރާއަށް އެންގުމަށްޓަކައި، ތިރީގައިވާ މައުލޫމާތު، މީރާގެ އިންޓަނޭޝަނަލް ރިލޭޝަންސް އެންޑް ކޯޕަރޭޝަން ޑިޕަރޓްމަންޓުގެ އީމެއިލް ([email protected])އަށް ފޮނުވަންވާނެއެވެ.
ދިވެހިރާއްޖޭގައި ވަޒަންވެރިވެފައިވާ ކޮންސްޓިޓުއެންޓް އެންޓިޓީއަކީ އަލްޓިމޭޓް ޕޭރެންޓް އެންޓިޓީއަކަށް ނުވަތަ ސަރޮގެޓް ޕޭރެންޓް އެންޓިޓީއަކަށް ނުވާނަމަ، އެ ކޮންސްޓިޓުއެންޓް އެންޓިޓީތަކު ތިރީގައި ބަޔާންކޮއްފައިވާ މައުލޫމާތުވެސް ހުށަހަޅަންޖެހޭއެވެ.
ސީބީސީ ރިޕޯޓު ތައްޔާރުކޮށް ހުށަހަޅަން ޖެހޭނީ "އޯ.އީ.ސީ.ޑީ ޓްރާންސްފަރ ޕްރައިސިންގ ގްއިޑްލައިންސް ފޮ މަލްޓިނޭޝަނަލް އެންޓަރޕްރައިސަސް އެންޑް ޓެކްސް އެޑްމިނިސްޓްރޭޝަންސް (2017)" ގެ 5 ވަނަ ބާބުގެ 3 ވަނަ އެނެކްސްގައި ބަޔާންކޮށްފައިވާ ސްޓޭންޑަރޑް ޓެމްޕްލޭޓާއި އެއްގޮތްވާގޮތުގެ މަތިންނެވެ.
ސީ.ބީ.ސީ ރިޕޯޓުގައި ހިމެނޭ ބައިތަކުގެ ކުރު ހުލާސާއެއް:
ސީ.ބީ.ސީ ރިޕޯޓު އެ އެމް.އެން.އީ ގުރޫޕުގެ ރިޕޯޓުކުރާ ފިސްކަލް އަހަރު ނިމިގެން 12) ބާރަ) މަސްދުވަސް ހަމަވުމުގެ ނިޔަލަށް މީރާއަށް ހުށަހަޅަންވާނެއެވެ.
ސީ.ބީ.ސީ ރިޕޯޓު ހުށަނޭޅުމުގެ އަދަބު ކަނޑައަޅާނީ، ޓެކްސް ނެގުމާބެހޭ އިދާރީ ޤާނޫނު ގެ 65 ވަނަ މާއްދާގެ ދަށުންނެވެ.
ސީ.ބީ.ސީ ރިޕޯޓު ހުށަހަޅާނީ، 1 ޖަނަވަރީ 2021 ނުވަތަ އޭގެ ފަހުން ފެށޭ ރިޕޯޓުކުރާ ފިސްކަލް އަހަރުތަކަށެވެ.
ސީ.ބީ.ސީ ރިޕޯޓިންގއާ ބެހޭ އިތުރު މައުލޫމާތު ސާފުކުރެއްވުމަށް މީރާގެ އިންޓަނޭޝަނަލް ރިލޭޝަންސް އެންޑް ކޯޕަރޭޝަން ޑިޕަރޓްމަންޓުގެ އީމެއިލް ([email protected]) ކުރައްވާށެވެ.